امن الشام ردينا

امن الشام ردينا

آه يحسين آه يحسين

..

خويه من السفر رديت دقعد و انظر الحالي

بالعليله رجعت اليوم خوية و الدمع هالي

يم قبرك نثبت النوح دسمع تندب اطفالي

امن السفر ردينا اب يتامى ومالها والي

نار اليتم جاويها ياهو إلي يطفيها

خويه راحت رجالي ماعندي احد يحسين

..
ما تقعد أسولف لك خوية الدهر صوبنه

من بعدك ياماي العين شمر الرجس عذبنه

ظالم ما رحم حالي فوق النوق ركبنه

لرض الشام ودانه وطول الدرب يضربنه

ابسوطه ورم امتوني خويه ليش عفتوني

كثر النوح ذوبنه وجسمي منتحل يحسين

..

خويه في وسط ديوان بين اجناب طبينه

ما عندنا ستر يا حسين وستر الوجه بدينه

وذاك الرجس يابن امي صوبي شابح ابعينه

خويه نكست راسي ويمي تنحب سكينه

زينب بت علي الكرار ليها تنظر الأشرار

في وين الاهل وينه قلبي منكسر يحسين

..

خويه الرجس لوعني راسك ينكته قبالي

وكل ساعه يحاجيني وينه سورك العالي

وينه حسين و العباس ظليتي بلا والي

بها الديره يا خوية حسين ما واحد رحم حالي

قلبي ممتلى بجروح ياليت أطلعت هالروح

خوية أنشطر دلالي في الغربه يخويه حسين

..
ابدار امهدمه يحسين هذا الوغد خلانه

رحمة ابد ماعنده ظيم و قهر راوانه

خوارج ينده اعلينا بن ميسون سمانه

ابدا ماشفت راحه طول الليل سهرانة

إلمن اشتكي حالي زينب مالي والي

صرنه بوليه اعدانا من بعد الخذر يحسين

..

قاسيت الهظم بالشام امن الطاغيه و قومه

ياحسين الهظم شفنا مني الجبد مالومه

وجيت اليوم بآلامي شوف أختك المهظومة

في وسط القلب يحسين نار القهر مضرومه

حرمه وما اللي والي وينه راحت رجالي

ومن النوم محرومه احرس عيلتك يحسين

..

وجبت الراس يبن امي بدفنه بالقبر وياك

اسنانه مكسرة كلها وغسله من نجيع دماك

يزيد الرجس كسرها بالديوان بين اعداك

وآني انظره يحسين روحي يا لولي تفداك

اصرخ آه يا المظلوم يالغسلك نجيع ادموم

ويش بيدي على فرقاك ذابت مهجتي يحسين

..

خويه حسين سامحني إلك طفله ما جبناها

رقية يا بعد روحي في الغربة تركناها

ماتت في أراضي الشام يبن امي و دفناها

وصارت للحرم ضجة ميته حين شفناها

يبن امي القلب مجروح شفتها امفارقة الروح

خوية غصب عفناها اعذرني يخويه حسين

..

أني عتبي على العباس خلاني بلا والي

اروح ميسره للشام وبخذي الدمع هالي

من بعد الخدر يحسين شمر الرجس يبرالي

خوية ما نمت ساعة طيفك دايم قبالي

قلبي من الأسى ذايب وراسي يالولي شايب

عدوك مارحم حالي من بعدك يخوية حسين

..

درب المشرعة ياصوب للعباس ودوني

بشكي حالتي عنده خوية ليش عفتوني

في الغربة تركت اختك ما واحد وقف دوني

وآني بدمتك يا حيد امن الوطن جبتوني

دنهض للوطن ردنه خويه ما احد عدنه

شمر وزجر آذوني من بعدك وبعد حسين

..

نوفمبر 2011م / ذو الحجة 1432ه