مهضومة يا زهراء

قلب كل شيعي على الزهراء جريح

ليش ما يعاين لها قبة وضريح

وتلفي الزوار ويم قبرچ تصيح

ليش ما يعاين الچ قبة و ضريح

______________

طالت المدة ولا شفنه القبر

بس دموع اتسيل يا روح الطهر

وانتي يا زهرة الى الشيعه ذخر

يام حسن وحسين چلينه الصبر

_______________

شلون ننسى مصيبتچ يم الحسين

وضلعچ المكسور من عصر اللعين

و ترتفع اصواتنا ابلوعه و حنين

و يسمع العالم ضجيج الزايرين

______________

و المواكب ماشيه صوب المقام

وتدخل الروضه يبت خير الأنام

و الاحبه حاملة سود لعلام

و العزا يم القبر دايم يقام

________________

هالمصيبة ذوبت منه الچبد

وانّهب حقچ وما عندچ احد

و مزق اكتابچ ابحقده الوغد

جينه يام حسين بنجدد عهد

______________

عقب عين المصطفى والمؤتمن

جت إلچ لشرار واصحاب الفتن

وكسر الأضلاع يا زهرة الوثن

و بصبر ايوب واجهتي المحن

____________

و رحتي يا زهرة و عليهم واجده

و القلب مجروح من جور العدى

ارواحنه يا ام الحسن دونك فدى

و بالحشر حقك الباري ياخذه

________________

الحاج يعقوب القصاب

جمادى الاول 1439ه

فبراير 2018م