Embedded Files
للعباس جت زينب وبخدها الدمع نثار
قطرة ماي ماعندنه ياضنوة علي الكرار
..........
خويه العطش ماذينه وهذا اليوم حزاتك
خوية أطفال عطشانه راوي القوم حملاتك
وانزل للنهر يا حيد وجيب الماي خيماتك
وروري جبد عبدالله ياحامل لوا الأبرار
...........
حال الطفل ذوبنه يادرع العزيز حسين
حريم اتصيح بالخيمة خوية وتندب الصوبين
جيب الماي و اسقيها عساها تسلم الجفين
غيرك مابقى واحد كلها راحت الأنصار
.........
وعزيزة أخوك حسين تبكي والجمع بادي
بيموت الطفل عندنا وعليه اتقطع افادي
ليها بس يدير العين ضامي والقلب صادي
ثلث أيام ويقاسي حر العطش يامغوار
...........
شال السيف واتعنى بس ماسمع نخواها
وأخذ الرخصه من الوالي وبني سفيان ناداها
عرفوني أنا العباس وروي السيف بدماها
روس وجثث تتعفر وصاحوا أغمد البتار
......
صال وطشر العسكر وطب المشرعه بجوده
ملاها وطلع متبختر يودي المال مقصوده
ومن دارت عليه الخيل منه قطعوا زنودة
وسهم الغدر صابنه وشقوا هامته الكفار
.......
وصاح بصوت يازينب إليكم للخيم ماعود
يخيه قطعوا درعاني وراسي انشطر بعمود
وسهم الغدر بعيوني يزينب كاتب المعبود
جني بيج يا زينب حسرة ماعليج اخمار
.......
ونادي حسين من جا له خويه أنكسر ظهري
بعدك ياقمر هاشم أنا محتار في أمري
ماعندي أحد بعدك تدري يا شهم تدري
خويه ليش عايفني الوحدي بين هالكفار
...........
ناصر مابقى عندي وعليه تسحق العسكر
وينصاب بسهم قلبي ودم القلب يتفجر
واتعفر على التربان وشمر الرجس يتصدر
ابسيفه يخمد أنفاسي وراسي يرفعه ابخطار
.
سبتمبر 2014م / ذو القعدة 1435 ه
Page updated
Google Sites
Report abuse