استنهاض العباس

هاليوم يومك يا شبل زراق لرخام

لطفال ماتت بالعطش دنهض يضرغام

************

كلمن ينادي بالخيم متفتت احشاي  

وانته يحماي الحمه للعيلة رواي

ادركنه يبو فاضل اعيوني اليوم بالماي  

لا تموت كلها بالعطش خويه هالأيتام

..........

لمن سمع زينب تحن ضنوة الكرار  

ناداها ياخيه ابشري يابنت الأطهار

ذوب افادي يا حزينة نوح لصغار  

الماي باجيبه الخيم لو تفضخ الهام

..............

موعود انه يمخدرة أروي هالأطفال  

كلهم يخية بذمتي هاليوم لعيال

لازم أشتت هالأعادي ايمين وشمال  

بطلب الرخصة من الولي يا بنت الأكرام

............

من حسين أخذ رخصة وتعنه للميادين 

 وزلزل ضواحي كربله نسل الميامين

وشتت كتابيها العدى في شمال ويمين  

وبالجود حول للنهر وتشوفه لزلام

..............

جوده ملاه وطلع عز الهاشمية  

وصوب الخيم قاصد يروي الفاطمية

لكن ابدربه اتحزبت زمرة أمية  

قطعوا يمنيه ويسرته ورشوه بأسهام

..............

يا ويلي من جاه السهم في محجر العين  

والعدو فجر هامته بالعمد نصين

خر وتقنطر عالثرى ونادى على حسين 

 يحسين دادركني بعجل يا نسل الأكرام

............

وحسين راح المصرعة يلطم على الراس  

ظهري كسرته يا شديد العزم و الباس

شمتت عليه يا عضيدي قوم لرجاس  

غمض عيونه وعود ابحزنه للخيام

............

عود بعد ما قال له العباس قوله  

احلف عليك اليوم بضلوع البتولة

خل جسمي عند الماي مرمي ولا تشيله  

مقدر أشوف اعيون زينب ويه ليتام

............

ومن شافته زينب لفت وش هالفجيعة  

يحسين خبرني اشجرى آني الوديعة

ليكون عباس انجدل يم الشريعة 

ورديت وحدك يا بعد عيني للخيام

….

25 - 9 - 2012 م / ذو القعدة 1433 ه