Embedded Files
للعركة راح حسين يمشي ابهمه
شاف البطل طايح غارق بدمه
اتحسر عليه وصاح ياقمر هاشم
منهو بعد عيناك يحمي الفواطم
ظهري كسرته اليوم عالنهر نايم
ظل يصفك الكفين من وصل يمه
....
خويه صرت وحيد بين الأعادي
دارت علي كل صوب واملت الوادي
وسط الخيم ضجت عتره الهادي
قوم احمل الراية والشمل لمه
....
وينه قمر هاشم تسأل العيله
وباب الخدر تتناك تبــــجي العقيله
ومن المرض العليل دايب دليله
عمي طلع ما رد خايف يعمه
....
انهض يبوفاضل طولت نومك
خل زينب اتشوفك تغسل ادمومك
للظل على الغبرة هد ركني يومك
من شوفتك ممدود قلبي تألمه
....
نادى يابو السجاد ودعني وروح
يا حسين حل موتي انظر هالجروح
ظل ينظر جروحة ولن فاضت الروح
وخلاه على الشاطي والعلم يمه
....
تحسر عليه وقام يدرف دموعه
وعود إلى الخيمة و جــبده وجيعه
ومن شافته زينب ضمته بلوعه
عباس خيك وين يا أبو اليمه
...
نوفمبر 2006 م / شوال 1427 ه
Page updated
Google Sites
Report abuse