رجوع السبايا إلى كربلاء

جيت امن السفر يا حسين             ما واحد تلقاني

مو آني العزيزة اختك         جيف اليوم تنساني

**********

خويه جيتي من الشام          رديت بحرم وايتام

جيتك اشتكي همي             قلبي ممتلي آلام

بالديوان دشينه                 وعلينه صفقت لزلام

وآني زينب الحوره            اطب ديوان ماسوره

خويه نكست راسي            يزيد الرجس آذاني

**********

جيت اليوم بحزاني            امن الشام مألومه

رجعت بعيلتك دنظر          لختك خويه مهضومه

شفت الويل يبن أمي           امن الطاغيه وقومه

نواصب مرمروا حالي                وأني حرمه بلا والي

شفت الهضم والذله            يزيد الرجس آذاني

**********

راسك في الطشت شفته               قدام اللعين أيزيد

يمد ايده ويلوح الراس                 إلينه بالأذيه يريد

وحريمك بلا ساتر             تتستر ابراج الأيد

اطفالك ترجف امن الخوف           وبخذها الدمع مدروف

وسطه مجلسه يحسين                 يزيد الرجس آذاني

**********

بأرض الشام بالذله            بخرابه الوغذ خلانه

وخله الناس تتفرج             علينه كلها فرحانه

ما جنه بنات أشراف          اصنوف القهر راوانه

علينه حاطت الصوبين                معيده تصفق الجفين

خوارج يندهوا علينه          يزيد الرجس آذاني

**********

رجعت بعيلتك دقعد           بخبرك وش جره بعدك

جينه من أراضي الشام                وناخ الضعن عند لحدك

خويه قوم أسولف لك          في الغربه تركت اختك

أهل الشام آذوني               وسط ديوان دخلوني

كلها بالفرح طلعت            يزيد الرجس آذاني

**********

يم قبرك يبو اليمه             بنصب للعزى هاليوم

يوم الأربعين اليوم             وصلنه قوم يا مظلوم

انظر حاله الحوره             ابخذهه الدمع مسجوم

قلبي منفطر نصين            ويسايل وين قبر حسين

قاسيت الهظم بعدك            يزيد الرجس آذاني

**********

ينور العين سامحني           ترى رقيه ما جبناها

بنتك يا بعد أهلي               في الغربه تركناها

ماتت في أراضي الشام               قبل مدة دفناها

خويه تحيرت بيها             من اللي يواريها

في وسطه خرابه هناك                يزيد الرجس آذاني

**********

جبت الراس بين أمي          بدفنه في القبر وياك

اسنانه مكسره كلها            وغسله من نجيع دماك

يزيد الوغد كسرها             اقبال العين بين اعداك

وآني انظره يحسين            وستري راحت الجفين

وعليلك يرفل بقيده            يزيد الرجس آذاني

**********

أني عتبي على العباس                خلاني بلا والي

مشيت اماسره للشام           وحولي تصرخ أطفالي

من بعد الخذر يحسين         هدوا سوري العالي

قبره وين ودوني              بقله القوم ذلوني

بعد عينك يبو فاضل          يزيد الرجس آذاني

**********

بمشي صوب المسناة                 وبقعد اسجب العبرة

وبصرخ آه يا عباس          قلب اختك نفد صبره

قلبي من الأسى ذايب          وبتعفر على قبره

طيفك دايم قبالي               بعدك ما إلي والي

انهض للوطن ردني           يزيد الرجس آذاني

خادم أهل البيت

الحاج يعقوب القصاب

يناير 2009/ محرم 1430هـ

(الجزء الثاني – ص 84)