وفاة الزهراء عليها السلام

واراها ورجع للدار ياويلي يجر حسرة

ويجر آهات وينادي عنه راحت الزهرة

راحت أم حسن وحسين ومنها ضلوع متكسرة

يتامى صرتوا يولادي من بعد الحنونة اليوم

***

جانت زهرة أيامي من بعد النبي المختار

وهذا اليوم خلتني أبجي والدمع نثار

راحت تشتكي لله وأبوها من فعل لشرار

منها العين ملطومة ويلي والضلع مهشوم

***

من سافر أبو القاسم عليها هجمت العدوان

لعند الدار جو ليها الما بيهم شرف وإحسان

تصيح بصوت يا بوية ومن عندها القلب وجعان

حتى العبد لوعها وجرحها بذاك اليوم

***

و من الخوف ياويلي لاذت واحتمت بالباب

وصاحت بيه ياظالم راسي ماعليه حجاب

لمن شافها الطاغي منها مستحى ولاهاب

عصرها وأسقط المحسن وأجرى من الصدر لدموع

***

راحت بضعة الهادي من هالقوم مهضومة

منهوب الأرث منها ومنها العين ملطومة

قاست الهضم والويل من ها الطاغية وقومة

الله ياخذ بحقها يوم الحشر من ها القوم

***

وعلي الكرار يتلهف عليها والدمع مسفوح

وسط الدار ضل جالس وقلبه ممتلي بجروح

وزينب زادت أحزانه من كثر البجي والنوح

كل ساعة يناديها خفي هالبجي ها اليوم

***

بعدهم ما إلج والي ومنهم خالي الصيوان

بس لعليل وينادي يعمه لمي هالنسوان

محتارة وتهل العين وينك ياقمر عدنان

إنهض يا عضيد حسين وانظر حالتي ها اليوم

***

الحاج يعقوب القصاب

جمادى الأولى  1437ه

مارس 2016م