مولد الحجة (عج)

صلوا عالنبي خــــير البرية

مهدينا انولد يالجعفريه

..

هنوا المرتضى والد الأطهار 

ويه فاطــــمة درة المــــــختار

هالليلة انـــولد آخـــــر الأنـــوار 

أفراح وهنه هــاي المسيه

..

وهنوا العسكري صادق اللهجة 

الدنية مـــزهرة بمولد الحـــــــــجة

شارك بالفــــرح واظــــهر البهجة 

بشعار ومدح هاي المسيه

..
بسامره الولي شعــت أنواره 

ومن نوره القمر غابت انواره

حجـــــــة عالبــــــشر ربي اختاره 

افرح و ابتسم هاي المسيه

..
صاغة بقـــدرته رب الجـــــلالة 

ليتك تنظر الحسنه وجماله

صلوا عالنــــبي أحتــــمد وآله 

وهنوا الجابته هاي المسيه

..

بدار العسكري هالليلة أفراح 

فرحه بمولده والعطر فواح

الأتـــــراح ولت والفـــــــرح لاح 

من نوره ظهر هاي المسيه

..

والأحباب صــــــارت عندها عيد 

وتقدم تهــــــاني كلها اتريد

ألف مبروك يا نسل الأماجيد 

زغاريد وفرح هاي المسيه

..

ليلة مولده ضــــــــوت الأكوان 

والحور انثرت في جنة مرجان

وعيد امعيده الإنس والجان 

وتهني النبي هاي المسيه

..

شهر شعـــــــــبان أيامه سعيده 

بأحسن حـــــــــــال يا ربي تعيده

على شيعة علي أهل العقيده 

ادعوا بالفرح هاي المسيه

..

واختم بالدعاء بالفرج لينه 

يهلك كل عدو جاير علينه

بجاه المصطفى أحمد نبينه 

وجاه اللي انولد هاي المسيه

..

يونيو 2012م / رجب 1433ه