آه يا أم البنين3

فوق الفــــــرض ممدودة تجر ونات ام لبنين

وكل ونه بأثر ونه وينك يا حبيبي يا حسين

..

وينك يا أبو السجاد ما تحضر إليها اليوم

كـــــثر النـــــــوح دوبها تندب آه يا مظلوم

تعــــــال و شوف حالتها والقـــــلب مالوم

حـــــــان اليـــــوم ممشاها يا نــــــــور العين

..

وسكنه تنتحب يمها يأم لبنين بطلي النوح

دوبتي مـــــرايرنه وزدتي القــــــــلب لجـــــــروح

دوبج ناصبة المأتم تصيحي والدمع مسفوح

حتى في وقـــــت لنــــزاع ما تنسين يام البنين

..

صاحت آه يا سكـــــــنه والله ذايب إفادي

مصاب حسين خلاني أنسه حتى أولادي

هذه آخر أيامي بواسي زهـــــــرة الهادي

أولادي وكل الناس فدوة للعزيز حسين

..

مصابه صاب دلالي وكل ساعة أجر حســره

وين أنساه يا سكنه وقلبي يشتعل جمره

وإنتي يا نظر عيني شفتي الشمر حز نحره

وظليتو بلا والي من عقب العـــــــزيز حسين

..

و غاب النفس من عندها وضجة صارت عليها

مـــــــاتت أم قمـــــر هـــــاشم يا كــــــــرار تاليها

وينك يا عـــــلي وينك ما تحـــــضر يا واليــــها

ماتت والقلب صادي ودمعتها على الخدين

..

والسجـــــاد جر ونه ونادى خيته في الحــــال

يا سكنه إنتي غسليها ومن صوبي انا الشيال

إلى أرض البقيع اليوم تشيعها حرم ورجال

ألف رحمة على روحك قضيتي العمر بحنين

..

وشالوها لمثواها أهل الشيم والمعروف

وسط القبر واروها وردوا والدمع مدروف

يا حسرة على الزهرة ماليها قبل معروف

وصت في ظلام الليل يدفنها أبو الحسنين

..

لو واحــــــد ســـأل عنه ما يدرون وينه صــــار

خفه القـــــبر يا ويلي ورد بحســــــرته للــــدار

نوب ايعاين الحجرة ونوب ايعاين المسمار

وش سويت يا مسمار يتمت الحسن وحسين

..

أبريل 2012م / جمادى الأولى 1433ه