استشهاد الإمام السجاد عليه السلام

ثالث أولادج يا بتوله مات هاليوم

جبده يزهره قطعوها بحر لسموم

..

ليتج نظـــرتي حالتـــــه عالفـــرش ممدود

والسم سرى في مهجته وبروحه ايجود

 لونـــه تغير وانختــطف حجة المعــــــبود

ويمه الباقـــــر ينتحب والدمــــع مسجوم

..

يا ياب بطـــل ونتك لا تشعـــــب الروح

دايب أفادي يا الولي مــــن كثرة النوح

جسمك يا بويه منتحل تندب المذبوح

اجـــروح وادي كـــــربلة ابقلبك اليـــوم

..

كل يوم بويه ناصب الماتم على حسين

حتى وقـــــت لنــــــزاع يا عــــز المسلــــمين

انظـــر بناتك يا الــــولي تندب الصـــوبين

شكواي لله العلي مــــن فعلة القـــوم

..

والــــروح منه فارقت مهجة الزهره

والنوح منهم ارتفع داخل الحجرة

وباقر علوم الأنبياء يندب بحسرة

وداعة الله يا بقــــية آل مخـــــزوم

..

وارى ابوه بحفـــرته خامـــــس الأنوار

وجالس على باب القبر وايدير لفكار

 صعبه يبويه ردتي هاليــــوم للـــــدار

الدار بعدك مظلمة يا بحر لعــــــلوم

..

وأهل المدينة بالحزن تلطم الخدين

والله اسافة راح عنه ضنوة حـــسين

يا ويلي مات بعلته تاج المسلمين

وأرض المدينة أظلمت من بعده اليوم

..

والله مصيبة يا خلق و أعظم رزيه

ماتم نصبه اليوم وانعزي الزجيه

 للي قضى بالسم وجبده منفريه

غاله الطاغي وقطع افاده بالسموم

أكتوبر 2013م / ذو الحجة 1434ه