يا خضيبا بالدما

يبن حماي الحمه  حنته فيض الدمه

.....

شال جاسم للخيم سبط الرسول  

امن المعاره لاترض جسمه الخيول

واطلعت رمله تجر خلفه الذيول  

جبت جاسم يا حشى الزهرا البتول

جبته غارق بالدما

.....

ومدد العريس ابن داحي الباب  

يم علي الأكبر وفرسان الحراب

وصاح يا جسام مني الراس شاب  

من مصايب كربلا وفقد الشباب

يبني جـــــبدي امألمه

.....

ولفت رمله تنتحب يم الولد  

ليش عفت امك يجاسم للأبد

تروح عني ومابقى ليه سند  

يبني جاوبني انبهض مني الجلد

روحي يمك هايمك 

.........

بطل الونه ترى ذاب القلب  

مقدر اسمع ونتك فوق الترب

أرحم بحالي ودمع إلي يصب  

ياهو صوب هامتك وسط الحرب

هامتك تنضح دما

......

آني تمنيت عرسك في الوطن

وخاب ظني بكربلا يبن الحسن

وخان بيه وبدل أيامي الزمن

من بعد الأفراح خلاني بحزن

حنتك يبني دما

.......

قلي يجسام وين أمك تروح

من بعد عينك عسى روحي تروح

عاين دموعي على خدي سفوح

هذا يا وليدي انكتب ليه باللوح

أبقى حرمه مألمة

......