تشييع جنازة الزهراء (ع)

ابحسره المرتضى نادى قوموا يا حسن وحسين

ندفن بضعة الهادي وعليها صبوا دمع العين

**********

قبل ما تموت وصتني إدفنها بظلام الليل

ماتبغى احد يحضر من قوم إلسقوها الويل

راحت غاضبة عليهم وبخدها دمعها يسيل

تشكي العين ملطومة وتشكي كسرة الضلعين

**********

يم إجنازة الزهرة زينب تلطم إعلى الهام

تنادي ليش عفتينه من بعدج نصير أيتام

مدري الزمن شمخبي إلينا بعد هالأيام

من راح النبي عنه علينه اتأمروا لثنين

**********

صاح المرتضى سكتي يزينب بسج من النوح

همي لا تزيدينه ترى قلبي إمتلى بجروح

مكدر إنظرج زينب على خدج دمع مسفوح

تدكريني بعد هااليوم غريبه اتصيري عقب حسين

**********

وآمر خلص أصحابه جنازتها يشيلوها

قومو وياي يا سلمان ويا عمار شيعوها

يا مقداد يابو ذر قبل الفجر دفنوها

وشالوا جنازة الزهرة وياهم حسن وحسين

**********

إبنص الليل واروها وردوا والدمع يهمي

وجت زينب تسايلهم يخوتي وين قبر أمي

ناداها أبو اليمة يزينب قربي يمي

قبرها وين باخبرج دسمعيني ينور العين

**********

واجت زينب تحن يمه تقله ولقلب مرتاع

صدق يا بويه الكرار قبر امي الوديعه ضاع

حين انزلت للروضه وصديت إلكسر لضلاع

الله يعين دلالك صعبه كسرت الضلعين

**********

صاحت آه يا حيدر خليت القلب مهموم

دفنت أمي بنص الليل ورجعت إلنا بقلب مالوم

بس أنت الذي تعرفه وفي وسط القلب مرسوم

ويه خلص أصحابك وخواني الحسن وحسين

**********

خادم أهل البيت

الحاج يعقوب القصاب

جمادي الأول 1428هـ/ مايو 2007م

(الجزء الثاني – ص 16)